Ása Hammersheimb Christiansen

Ása Hammersheimb Christiansen

Løgtingsvalið 2015

Framsókn skal boða frá, at 28 ára gamla Ása Hammershaimb Christiansen verður valevni fyri flokkin, tá løgtingsval verður.

Ása, ið hevur eina dóttur, sum skjótt verður 2 ár, lesir Politikk og Umsiting á Fróðskaparseturi Føroya, har hon væntandi verður bachelor í summar. Eftir summarsteðgin, er ætlanin at lesa master í løgfrøði á Setrinum.

– Tað er neyðugt at fleiri kvinnur tora at bjóða seg fram í politikki. At fáa kvinnur við í politikk, tekur Framsókn í stórum álvara – hetta sæst m.a. aftur á vallistanum, ið er kynsjavnbýttur.

– Framsókn rúmar sera væl tað, eg sjálv viriðsmeti: Javnrættindi fyri allir samfelagsbólkar, persónligt frælsi, liberalan vinnupolitikk – við sosialari ábyrgd. Sum lesandi í Føroyum er mítt hjartamál avgjørt at geva Fróðskaparsetur Føroyar betur umstøður, umframt at raðfesta lestraríbúðir høgt, tað hevur alstóran týdning fyri at fáa ungdóm at støðast í Føroyum.

– Framsókn er avgjørt mest framhugsandi flokkurin, ið ynskir at gera Føroyar til eitt tíðarhóskandi samfelag.

Ovast