Hákun Andreasen

Hákun Andreasen

Løgtingsvalið 2015

Framsókn skal boða frá, at 50 ára gamli Hákun Andreasen verður valevni fyri flokkin til løgtingsvalið 1. september.

Hákun hevur einaferð áður stillað upp fyri Framsókn, tað var til kommunuvalið í Eysturkommunu í 2012. Hann er útbúgvin B.A. í søgu og siðsøgu og starvast sum savnsteknikari á Søvnum Landsins.

– Framsókn byggir í virðisgrundarlag floksins á tær tríggjar súlurnar: persónligt, vinnuligt og tjóðskaparligt frælsi. Hesi grundvirðini hava altíð havt nógv at siga fyri meg persónliga, og tá Framsókn heitti á meg at stilla upp til løgtingsvalið, varð avgerðin løtt at taka.

-Framsókn er ein liberalur tjóðskaparflokkur. Ein flokkur sum vil føra føroyska samfelagið frameftir. Ein flokkur sum vil, at vit eisini taka ábyrgd í alheimssamfelagnum eftir førimuni.

-Vit mugu gera Føroyar meira sjálvbjargnar. Kósin hjá sitandi samgongu kann ikki halda fram. Ríkisveitingin má minkast niður í onki, soleiðis at vit hava ræði og ábyrgd á okkara tjóðarbúskapi. Tað er í strembanini eftir at standa á egnum beinum, at vit fáa tann størsta framburðin.

Ovast