Ársfundurin var hildin í Kiwanis húsunum við Jøkulstræti. Hugaligt var tað, at síggja vøksturin í flokkinum.
Ruth Vang forkvinna greiddi frá virkseminum í farna ári og síðan søgdu ávikavíst landsstýrisfólk, tingfólk og kommunalpolitikkarar frá um hvør síni starvsøki.
Ikki minni áhugavert var tað at hoyra Bárð Larsen, greiða frá um rættarsamfelagið, um lógir og tulkingar og týdningin av tí, ið tingfólk dagliga fáast við. Sera áhugavert og mestan fingu øll okkurt heim við sær.
Í sambandi við val av nevnd, stóðu Ruth Vang og Bjarni K. Petersen fyri vali. Tey vóru afturvald uttan atkvøðugreiðslu.
Tríggir tiltakslimir, Hákun Andreasen, Jóan Pauli Jespersen og Høgni Reistrup stóðu fyri vali. Høgni Reistrup bað seg undan afturvali og Óluva Waagstein stillaði upp í hansara stað. Allir tiltakslimirnir vóru valdur uttan atkvøðugreiðslu.
Dagurin endaði við hugnaløtu til út á kvøldi.
